Оваа статија или заглавие има потреба од викифицирање за да ги исполни стандардите за квалитет на Википедија. Ве молиме помогнете во подобрувањето на оваа статија со соодветни внатрешни врски.

Футурама е американска анимирана научнофантастична комедија создадена од Мет Гренинг и развиена од Гренинг и Дејвид Х. Коен за телевизија Fox. Епизодите биле со авантурите на поранешен доставувач на пица од Њујорк, Филип Џеј Фрај, кој неколку секунди пред почетокот на Нова година 2000 бил замрзнат и одмрзнат за време на Нова година 2999.

Во Америка, серијата почнала да се емитува на 28.03.1999, а прекинала во 10.08.2003 на Fox. Потоа футурама повторно се емитувала на Cartoon Network од јануари 2003 до декември 2007, кога истекол договорот. Сега се емитува на Comedy Central. Серијата повторно оживеала во 2007 со четири долгометражни филмови, кои исто така биле покажувани на Comedy Central. Последниот бил објавен во почетокот на 2009. Подоцна Comedy Central ја оживува Футурама со 26 епизоди кој треба да се емитуваат во средината на 2020 година.^[1]

Comedy Central склучил договор со 20th Century Fox Television за да ги организира постоечките епизоди и да ги емитува филмовите како нови епизоди. ^[2][3]Comedy Central почнал да ја емитува Футурама на 2 јануари 2008 година, и нови епизоди на 23 март 2008 година. ^[4]

Ликови |

Други информации: Листа на ликови во Футурама

Всушност, Футурама е комедија чиј заплет се случува околу Планет експрес - [компанија] за доставување и вработените во неа, ^[5] мала група кој не се прилагодува кон општеството од иднина. Епизодите скоро секогаш ги истакнуваат дејствијата на тројцата главни ликови, Фрај, Лила и Бендер.

Филип Џеј Фрај (Били Вест)

Фрај е прост, недораснат, неуреден доставувач на пица кој е замрзнат само малку по полноќ на 01.01. 2000 година и се буди на Нова година 2999. Добил работа како доставувач на пратки во Планет Експрес, компанија на единствениот жив роднина, Професор Хјуберт Џеј Фарнсворт. Неговата љубов кон Лила е навестена уште од првата епизода, па сè до денес. За време на епизодата "Roswell That Ends Well", Фрај не сакајќи станал свој дедо. Ова предизвикало недостаток на делта мозочни бранови, поради кои бил имун на силите на Браинспон.

Туранга Лила (Кејти Сагал)

Лила е компетентна и едноока, капетан на бродот на Планет експрес.^[6] Напуштена како бебе, пораснала во сиропиталиште за деца и верувала дека е вонземјанин од друга [планета], но подоцна разбира дека е [мутант] од канализацијата.^[7] Пред да стане капетан на брод, Лила работела како службеник за доделување на работа во лабораторијата, каде што за прв пат го видела Фрај. Таа е првата љубов на Фрај.

Бендер Бендинг Родригез (Џон Димаџо)

Бендер е пијаница, пуши пури, клептоман, мизантроп, егоцентричен, раздразлив робот. Иако првобитно бил програмиран да искривува греди за кабини за самоубиство, подоцна бил назначен за готвач на бродот и за време на филмот Bender's Big Score тој бил назначен за комерцијален директор на Планет експрес. Тој е најдобриот пријател на Фрај и негов цимер. Исто така, познато е дека сакал да биде пејач на народна музика и готвач. Тој бил направен во Мексико.

Професор Хјуберт Џеј Фарнсворт (Били Вест)

Професорот Хјуберт Франсворт е стар над 160 години, далечен внук на Фрај и е најблизок жив роднина.^[8] Фарнсворт ја основал Планет експрес за да се снабди со финансии за неговите луди научни експерименти и иновации. Тој се клонирал самиот себе за да создаде наследник, Кјуберт Франсворт, кој го третира како сопствен син.

Доктор Џон А. Зојдберг (Били Вест)

Зојдберг е јастог-вонземјанец од планетата Decapod 10 и е невротичен [лекар] на Планет експрес. Иако тврди дека е експерт за луѓе, неговото знаење за анатомија и физиологија на човекот е очајно недоволно. Зојдберг е бездомен, сиромашен и покрај што е долгорочен другар на Фарнсворт, сите го омаложуваат освен Фрај.

Ејми Вонг (Лорин Том)

Ејми е многу богата, отворена, разгалена и склона на незгоди, долгорочен практикант во Планет eкспрес. Таа е студентка по инжинеринг на Универзитетот на Марс и наследничка на западната хемисфера од Марс. Иако е родена на Марс, таа е кинеска и склона на колнење на кинески јазик и користи жаргони од 31ви век. Нејзините родители се богати фармери, Лио и Инез Вонг. Иако најпрво игра улога на промискуитетна личност, најпосле открива трајна моногамска врска со Киф Крокер.

Хермес Конрад (Фил Ламар)

Хермес е од Јамајка и е сметководител во Планет експрес. Тој е бирократ на 37мо ниво (кој бил унапреден до ниво 34 за време на серијата), кој е горд на тоа, ситничар за паравила и целосно вљубен во монотонијата на канцеларсиката работа и бирократијата. Хермес исто така е поранешен шампион на Олимпиското лимбо, спорт добиен од популарната живост на журките, опишана како компетитивна во традицијата на попречувањето. Се откажал од лимбото кога млад навивач го што имитирал завршил со скршен пршлен за време на Олимписките игри во 2980 година. Жената на Хермес се вика Лабарбара, а синот Двајт кој има 12 години.

Зап Брениген (Били Вест)

Зап Брениген не вработен во Планет експрес, но често се појавува во Футурама. Тој е егоцентричен, неморален и неспособен капетан на бродот на Нимбус, демократски ред на планети. Тој е смешна имитација на Капетан Кирк од Вилијам Шетнер. Постојано ја брка Лила.

Киф Крокер (Морис Ламарш)

Четврт подофицер и личен асистент на Зап Брениген, Киф е член на видот водоземци, кој живее на соодвотно именуваната планета Амфибија 9. Иако е многу срамежлив, најпосле успеал да има врска со Ејми.

Ниблер (Френк Велкер)

Ниблер е милениче на Лила Ниблонијан, најдено во дивината и посвоено на почеток од серијата. Во големина е колку мачка, но може да изеде многу поголеми животни, и дава црна течност (гориво за вселенски брод). И покрај неговиот лажен сладок изглед, Ниблер, всушност е високо интелегентно суштество кој е одговорен за одржување на мирот во универзумот. Тој е откриен во "The Why of Fry" дека е одоворен за замрзнувањето на Фрај.

Футурама има повторливи мали ликови, многу од нивните гласови се позајмени од Били Вест, Џон Димаџо, Трес Мекнил, Дејвид Херман и Морис Ламарш.

Локација |

Футурама е лоцирана во [Њујорк] во почетокот на 31ви век, во време каде што има многу технолошки чуда. Градот Нов Њујорк е изграден врз урнатините на денешен Њујорк, односно "Стар Њујорк”. Различни направи и [архитектура] се слични со Популукс дезајн.

Бројни технолошки подобрувања биле направени во периодот од денешниот ден до 31ви век. Можноста за да се чуваат глави во тегли била откриена од Рон Полил (кој бил гостин во епизодата "A Big Piece of Garbage") како последица на што биле многу историски ликови и денешни познати ѕвезди; ова станало изговор на авторот за да им се исмејува на познатите личности. Необично, неколку од зачуваните глави се од луѓе којшто веќе биле мртви пред појавувањето на оваа технологија. Еден од истакнатите примери од оваа аномалија е Ричард Никсон, кој умрел во 1994 година. Некои од нив се издадени за да вкллучи воспитен материјал наводно за млади. Телевизијата е сè уште главна форма за забава. Самосвесни роботи се вообичаена глетка и се главната причина за глобално затоплување, благодарејќи на нивните системи кои работат на алкохол. Колата е вон употреба (никој освен Фрај не се сеќава на дизајнот)^[9] и била заборавена и заменета со летачки коли и мрежа од големи воздушни туби за транспорт.

Еколшки, обични животни сè уште постојат, заедно со мутирани, вкрстени (понекогаш со [човек]), мешани и вонземни животни. Бувовите биле заменети за стаорци како најчест штетник во домаќинството, иако стаорците уште постојат. Земјата сè уште страда од [јаглерод диоксид], но до некаде се намелени поради течењето на големата коцка мраз во океанот (кој се направила од Хелиевата комета).

Околината на Футурама е сценска позадина и [автор|авторите] не се обврзуваат да направат непрекинати грешки ако сакаат да продолжат со смешките.На пирмер, на почеток е кажано дека претходниот екипаж на Планет експрес бил убиен од вселенски оси, а во друга епизода "The Sting е кажано дека екипажот умрел од вселенски пчели.^[10] Околината од “Светот на иднината” е употребена за да истакнат и да исмејуваат проблеми од сегашноста и да исмејуваат теми од [научната фантастикa].<^ "Omniglot". Retrieved on 2008-06-03.</ref>

Општенствен живот и кутура |

Земјата е опишана како мултикултурна до степен каде што има многу луѓе, [робот|роботи] и вонземни суштества прикажани во серијата кои се дружат со главните личности. На некој начин иднината е опишана како повеќе општествена отколку сегашноста. Иднината е прикажана со истите видови на проблеми, предизвици, грешки и предрасуди на денешницата. Во серијата роботите се најголемото “малцинство”. Некои пак се опишани како богати членови на аристократијата, но често се сметани како граѓани од втора класа. Повеќето роботи се самосвесни и имаат дозвола за слобода и сопствена волја. Сепак, за време на криза, може да им се отстрани слободната волја кога нивниот “патроитски систем” е активиран, терајќи ги да им служат на луѓето или да служат во војската за време на војна.^[11] Мутантите од канализацијата се мутирани луѓе кои мораат да живеат во каналицациите според закон. Тие имаат статус како урбани легенди и се сметаат за фиктивни од страна на некои луѓе.

Религијата е сè уште важен дел во општеството, иако главните религии се развиле. Здружување помеѓу главните религиозни групи од 20ти век произлегле во Првата амалгамирана [црква], додека пак Вуду е мејнстрим. Во нови религии спаѓаат Орфанизам, Роботологија и отфрлената религија од Стар трек фантом. Темата [религија] се појавува во епизодите Father Changstein-El-Gamal, Robot Devil, Reverend Preacherbot и праќаат пораки до Папата на вселената. Додека пак неколку епизоди се фокусираат на религиозниот аспект кои покриваат низа на теми како што се предестинација, молитва, спасение и религиозни разговори.^[12]

Земјата има обединета влада на чело со Претседателот на Земјата – главата на Ричард Никсон (која се појавува од 2 сезона па сè до денес). Главниот град на Земјата е Вашингтон, а знамето е слично со дезенот на знамето од Америка со западната хемисфера (опишано како “најдобрата хемисфера” од професор Фарнсворт) од Земјата наместо местото на педесетте ѕвезди. Иако е обидинета со едиствена влада, приврзаници на патроитизмот сѐ уште постојат во некои поранешни земји као што е Јамајка. Сцените на Футурама се фокусирани на Американска земја, а други места во светот се ретко покажани. Англиски јазик е основен јазик во универзумот.

Демократскиот ред на планетите (ДРП) е фиктивна организација во универзумот на Футурама која е слична на Обединетите нации и Обединетите федерации на планетите од универзимот на Стар Трек. Други галаксии биле колонизирани или склучиле договор до 3000 година. Планетата Марс била претворена да личи на земја и таму се наоѓа Универзитетот Марс, како и племиња слични на Индијанците.

Јазик |

Постојат три разллични азбуки кои често се појавуваат во позадината во серијата, најчесто во форма на графити, реклами или натписи за опомена. Речиси сите пораки кои употребуваат различна азбука се преведуваат буквално на англиски јазик. Првата азбука со апстрактни букви е позната како азбука на вонземјаните, заменска шифра од латинската азбука.[16] Втората азбука користи посложен модуларен код, каде што “следната буква е збир на сите претходни букви плус таа буква”. ^[13] Кодовите обезбедуваат шеги за гледачите кои сакаат да ги дешифрираат пораките. Третиот јазик е Хебрејски. Покрај овие азбуки, повеќето зборови се со латинска азбука.

Неколку англиски изрази се користат денеска. На пример, зборот Christmas (Божиќ) е сменет со Xmas (се изговара Ексмас) и зборот ask (прашува-еск) со aks (се изговара екс). Според Дејвид Х. Коен, францускиот јазик е постојана шега во серијата (која преку серијата сè уште останува жива) е слично како латинскиот јазик што е денеска.^[14] Додека пак германскиот јазик е мртов јазик.

Хумор |

Иако во серијата има многу различни видови на хумор како што се: самоомаложување, црн хумор, безобразен хумор и нереален хумор, неговиот главен извор на хумор беше неговиот комичен опис на секојдневниот живот на луѓето во иднината и неговата пародична споредба со сегашноста. Мет Гренинг кажува дека од концепцијата на серијата, неговата цел беше да прикаже што се случува на земјата. Серијата се разликува со комедија на “лоша култура” и “добра култура”, на пример, навредувањето на Бендер е "Bite my shiny metal ass".

Серијата добила многу обожаватели поради големиот број на шеги, повеќето биле наменети за “бубалици”. Во образложението за долгометражните филмови, Дејвид Х. Коен истакнува и понекогаш ги објаснува неговите “шеги за бубалиците”.^[15] Овие шеги вклучуваат математички шеги, на пример "Loew's -plex" (aleph-null-plex, во математиката како теорија за множества), како и многу различен научен хумор. Серијата често пати прикажува суптилни препораки па сè до класични научно фантастични. Најчести се од Стар Трек – многу крати фрази во серијата се употребени со почит - но исти така и други, на пример сличноста со потеклото на зборот робот добиен од постоењето на планета Чапек 9,^[16] или црниот монолитен правоаголен знак со натпис “Не работи” во орбидата околу Јупитер (се однесува на серијалот вселенска одисеја на Артур Чарлс Кларк). Бендер и Фрај понекогаш ја гледаат серијата Страшната Врата (The Scary Door) пародија на Зона на самракот (The Twilight Zone).^[17]

Најавна шпица |

Слично како најавната шпица на Симпсонови со училишната табла, саксофон и смешки, Футурама има карактеристична најавна шпица со многу ситни смешки. Како што почнува серијата, зборот "Футурама” е напишан на средина а под него смешен натпис на пример, “Со големи маки нацртано пред публика во живо”, "Снимено на локација”, “Наскоро ќе биде голема религија”, или „Вселенски компири кои играат? Секако! Бидете сигурни!“^[18] Потоа Бродот на Планет експрес лета низ центарот на Нов Њујорк и поминува низ различни периодични ликови и на крај бродот се урнува во голем телевизор кој покажува кратки класичнии цртани. Видеа од Looney Tunes, цртани направени од Макс Фличер, мал дел од серијата Симпсонови епизода од Трејси Улман^[19] и делови од своја епизода "The Devil's Hands Are Idle Playthings". Во Bender's Big Score, најавната шпица е од првата епизода на Футурама, кога Фрај се смрзнува.

Во повеќето епизоди, бродот се урива во телевизорот, кршејќи го стаклото и се заглавува. Во The Beast with a Billion Backs, бродот поминува низ телевизорот и моментално станува дел од околината опишана како терон (цртан филм Футурама нацртана во стил на Steamboat Willie од Дизни). Бродот излегува од оваа околина и на враќање се удира во телевизорот. Најавната шпица на Bender's Game е слична, но со имитација на Yellow Submarine, наместо Steamboat Willie. Во Into the Wild Green Yonder, најавната шпица е со возење низ футуристична верзија на Лас Вегас која се наоѓа на Марс и возења низ многу футуристички згради, на пример, хотелот Мираж (илузија) кој е навистина холограмска илузија. Песната ја пее Сет Макфарлејн и е различна од нормалните песни.

Песната од Футурама ја композирал Кристофер Тајнг. Базирана е врз композицијата "Psyché Rock" од Пјер Хенри и Мајкл Коломбиер во 1967.^[20] Тјанг исто така бил инспириран од ремикс албумот на "Psyché Rock" од британски ди џеј Фетбој Слим во 1997.^[21] Песната се свири на цилиндрични ѕвона, но повремено се прави ремикс за употреба на одредена епизода вклучуваќи верзија на Бисти Бојс за еписодата "Hell Is Other Robots" каде што гостуваа.

Епизоди |

Футурама е составена од 88 епизоди т.е. 5 сезони. Првобитно биле 72 епизоди, 4 сезони емитувани од 1999-2003 година. Последните 16 епизоди, петта сезона биле емитувани како 4 долгометражни филмови од 2007-2009 година.

Продукција |

Мет Гренинг започнал да мисли на Футурама во средината на 1990 година. Во 1997 година, побарал помош од Дејвид Х. Коен, писател и продуцент на Симпсонови, да му помогне во развивање на серијата. Оттогаш тие читале научно фантастични книги, телевизиски емисии и стари филмови. Сè до времето кога серијата ја презентирале на телевизија Fox во април 1998 година, Гренинг и Коен измислиле многу ликови и реплики. За време на првиот состанок, телевизија Fox нарачала тринаесет епизоди. Набрзо, секако, Гренинг и директорите на телевизија Fox расправале дали мрежата би имала некаква креативен придонес во серијата.^[22] Со Симпсонови мрежата немала никаков придонес.^[23] Гренинг образложува, “Кога тие пробаа да ми дадат забелешки за Футурама, јас им кажав:” Не, ние ќе соработуваме на истиот начин како со Симпсонови." А тие одговориле, "Ние веќе не соработуваме на тој начин." "Па, тоа е единствениот начин на којшто јас соработувам", рекол тој.^[24] По преговорите, тој ја постигнал истата независност за Футурама.

Напредок на продукцијата |

Потребни биле шест до девет месеци за да се направи сезона од Футурама.^[25][26] Оваа спора продукција значеше дека многу епизоди биле правени во исто време.^[27] Секоја епизода започнува со разговор на авторите во група за приказната. Потоа еден автор работи на скицата па на сценариото. Откако првиот нацрт е завршен, авторите и главните продуценти се собираат со глумците за внимателно читање на сценариото. По читањето на сценариото, авторите го препишуваат истото во група пред да почне да се анимира.^[28] Во овој момент е започнато снимањето на гласови и сценариото е одземено од авторите.

Rough Draft Studios го анимира Футурама, предложено од Гренинг. Раф Драфт ја добиваат целосното сценарио од епизодата и скицирање над 100 нацрти. Потоа цртаат со молив анимации со 1000 кадри. Оттука, збратименото студио на Раф Драфт од Кореја ги составува 30.000 кадри од завршената епизода.

КГС |

Покрај традиционалното цртање на цртаните, Раф Драфт Студуо често користи и КГС (компјутерск генерирана слика) за побрзи или комплексни снимки, за време на движење на вселенските бродови, експлозии, магла итн. Повеќето најавни шпици се направени преку рендерирање во КГС. КГС се рендерира на 24 кадри/секунда (наспроти цртање на рака кое се прави со 12 кадри/сек) и со помалку вештачки грешки анимацијата излага многу јасна и лесна. Ликовите преку КГС изгледаат многу малку различни поради специјалната “измамничка” рака-цртач на ликови која ги црта малку непропорционално или не преспективни слики за да ги истакне цртите на лицето или телото, а повеќе на нивниот израз. Пауераниматор се користи за цртање на комедии како КГС.^[29]

Емитување |

Когa дојде до одлучување кога да се емитува серијата, Гренинг и Коен сакале Футурама да се емитува во Недела навечер во 8:30 часот после Симпсонови. Мрежата не се согласи со ова, решава наместо две епизоди една по друга во Недела навечер да го емитува во Вторник.^[30] За време на емитувањето на втората сезона Футурама повторно е преместена во неделниот термин во 8:30,^[31] но за време на средината на серијата повторно била вратена во стариот термин. Тогаш Футурама ја емитувале во навечер 7:00. Терминот во Недела е ногова трета позиција во годината.^[32] Во 7:00 навечер. Серијата била заменета со спорт во терминот во недела и имала закаснета премиера. Тоа им помогнало на авторите и аниматорите да бидат еден чекор понапред од закажаното емитување, така што епизодите од една сезона не биле емитувани сè до следната сезона. Со почетокот на четвртата сезона сите епизоди требало да се емитуваат таа сезона биле завршени и авторите работеле најмалку една година однапред.

Гледаност |

Кога Футурама започнала да се емитува на телевизија Fox во недела навечер во 8:30 помеѓу Симпсонови и Досие Икс на 28 март 1999 година, имало 19 милиони гледачи и достигнала до 11 место таа недела во Листата на Нилсен.^[33] Следната недела, емитувана во исто време, Футурама имала 14,2 милиони гледачи. Потоа серијата била преместена во вторник навечер во 8:30 кога достигнала 8.85 милиони гледачи.^[34] Гледаноста на Футурама била маклу помала од Симпсонови, првата сезона на Футурама достигнала повеќе гледаност отколку другите конкурентски серии: King of the Hill, Family Guy, Dilbert, South Park и The PJs ^[35]

Кога било прекинато емитувањето на Футурама во 2003 имаше во просек 6.4 милиони гледачи за првата половина од четвртата сезона.

Откажување |

Дури до четвртата сезона Футурама се прикажувала непостојано.^[36] Ова било исмејувано во најавната шпица од последната епизода на четврта сезона со слика на Фрај, Лила и Бендер и натпис “Се гледаме на некој друг канал”. Поради постојаното заменување со спортски настани, било тешко за да се предвиди кога нова епизода ке се емитува. Поради ваквиот променлив распоред неколку епизоди од трета и четврта сезона не биле емитувани, па затоа ги ставиле во петта сезона. Директорите на телевизија Fox исто така не биле застапници на оваа серија.^[37] И покрај тоа што Футурама никогаш не била официјално откажана, на средината од продукција на четвртата сезона, телевизија Fox решила да прекине со продукција.
Одлуката на телевизија Fox била да престане да купува епизоди до Футурама,^[38] така што Футурама не била вклучена во програмата на телевизија Fox за есента 2003.^[39]

Продажба на права за емитување |

На крајот на 2002 година, Cartoon Network побарал права за емитување на Футурама за 10 милиони долари.^[40] Во јануари 2003, телевизијата почна да ја емитува Футурама во термините за цртани за возрасни.^[41] Во октомври 2005, Comedy Central го презела правото за емитување на 72 епизоди од Футурама на почетокот од 2008 година, по завршување на договорот со Cartoon Network. Ова било назначено како најголема и наскапа добивка во историјата на телевизијата. Моментално се емитува секоја вечер по South Park.^[42] Comedy Central го најави враќањето на Футурама на 23 март 2008 година ^[43] со филмот Bender's Big Score кој бил поделен на четири епизоди а после и другите три филма. Серијата исто така се емитувала со права за емитување во Австралија, Велика Британија, Канада, Мексико, Република Чешка, ^[44] Германија, Италија, Малазија, Полска, Португалија, Романија, Русија, Словенија, Шпанија, Украина, Колумбија, Естонија и Белгија.

• Серијата прво се емитувала во Велика Британија на 21 септември 1999 година.

ДВД филмови |

Кога Comedy Central преговарала за правата за емитување на репризи од Футурама, телевизија Fox предложила дека постои можност за креирање на нови епизоди. Преговорите биле остварени со можност да се снимат два или три долгометражни филмови. Кога Comedy Central се договорила за шеснаесет нови епизоди, било решено дека четири дилгометражни филмови ќе се снимат.^[45] На 26 април 2006 година, Гренинг соопшти на едно интервју дека заедно со Дејвид Х. Коен и други автори што ја пишувале серијата, ќе работат на филмовите.^[46] Сите позајмени гласови ќе бидат од истите актери. Во февруари 2007, Грениг ја објаснува содржината на новите приказни. “Екипата прави филмови а потоа ќе се поделат и рекофигурираат со нов материјал за да се добијат посебни епизоди”.^[47]

• Bender's Big Score

• The Beast with a Billion Backs

• Bender's Game

• Into the Wild Green Yonder

Првиот филм на Футурама: Bender's Big Score е напишан од Кен Келер и Коен во кој се појавуваат Ниблонијанците, Симор, Барбадос Слим, Робот Санта, вселенското суштество "Господ", Ал Гор и Зап Браниген.^[48] Бил анимиран за на широк екран и издаден во стандардни ДВД-ја на 27 ноември 2007 година, а подоцна со можна блу-реј диск снимка.^[49]
Вториот филм, The Beast with a Billion Backs, бил издаден на 24 јуни 2008 година. Третиот филм, Bender's Game бил издаден на ДВД и Блу-реј диск^[50] на 3 ноември 2008 година во Велика Британија, на 4 ноември 2008 година во Америка и 10 декември 2008 во Австралија. Четвртиот филм, Into the Wild Green Yonder, бил издаден на ДВД и Блу-реј диск на 23 фебруари 2009 година.^[51]

Откако новите проекти на Футурама моментално се во продукција, филмот Into the Wild Green Yonder се смета за последен од серијата Футурама. Меѓутоа, Гренинг има желба да продолжи со лиценцата на Футурама, вкллучувајќи го како театрски филм.^[52] За време на интервјуто за CNN, Гренинг рекол “ние имаме одлична врска со Comedy Central и би сакале да направиме други епизоди за нив, но не знам.... Имаме дискусии и постои некој ентузијазам но не можам да кажам дали само јас го чувствувам.”^[53] Коен исто така дал изјава за Wired magazine дека е оптимистист “Нема да отфрли никакви можни начини за оживување на серијата, дали преку филмови, клипови или епизоди.... Јас сум оптимист”.^[54] Според Гренинг и Коен, продажбата на ДВД може да ја зголеми можноста за Футурама да ја оживеат.^[55] Во интервју за Anime SuperCon, Били Вест тврдел дека продажба на други наслови во Футурама во ДВД биле доволни за Fox да објавува гласни за можна шеста сезона.^[56][57]

Влијание |

Награди |

Медија |

Издавање на ДВД |

Издавање на целосна сезона |

20th Century Fox Home Entertainment ги издаде сите 4 сезони на Футурама на ДВД-ја:

Забелешка: Деловите од регион 2 и 4 се обележани како “Сезони” туку "Том".

Забелешка: Секој дел претставува една од четирите сезони од епизодите. Сепак, Fox ги расореди епизодите во 5 сезони и не ги емитуваше според оригиналниот распоред. Of note: По откажувањето на Футурама, Fox емитувал 16 претходни неемитувани епизоди, сите од трета и четврта сезона, како “петта сезона”, емитувани повремено помеѓу ноември 2002 и август 2003 година. подоцна биле одново групирани по вистинскиот ред.

Други ДВД-ја |

Филмови |

Стрипови |

Во ноември 2000 започнала изработката на Футурама Комикс. Тоа е стрип кој се базира врз Футурама кој е објавен од Бонго Комикс. Најпрво биле обајавени во САД, а исто така верзија од серијата била достапна и за Велика Британија, Германија и Австралија.^[62] Освен различниот редослед, приказните се исти во сите верзии. Додека пак стриповите се фокусираат врз итсите ликовиво Футурама, стриповите не се стандардни како настаните прикажани во нив немаат ефект врз континуитетот на серијата.Исто како и на серијата, секој стрип (освен САД стрип број 20) има татпис на корицата. На пример: “Направен во САД! (Печатен во Канада)”. Некои стрипови од Велика Британија и Канада имаат различни натписи (на пример, на австралијанската верзија од број 20 е напишано “Стрип од 21ви век”, додека пак на американската верзија нема натпис на таа тема).

Играчки, игри и Статуетки |

Статуетки од различни ликови и предмети од серијата биле направени и продадени од различни интернет продавници. Кога серијата склучи договор со Рокет САД да произведува смешни играчки, статуетки од Бендер и Ниблер како се движат со илустрирана амбалажа направена од сликарот на серијата.^[63] Во играчките на Бендер биле вклучени пури и шише од “Стар фортран сладок алкохол” очи кој се движат, антена и врата за складирање. Достигна на прво место според Sci Fi Weekly. ^[64] Лименка од Слурм содржи шпил карти на кој се слики од екипажот на Планет Експрес. Исто така излезе и два шпила карти.

I-Men издаде два шпила од 64 мм: Фрај и Калкулон, Зојдберг и Морбо, Професор Франсворт и URL, Робот Девил и Бендер, Лила и Роберто.
Можат да се најде колекција од играчка која витка, Киф Крокер, Туранга Лила и Бендер. Колекција од Moore Action Collectibles кој се вклучени Фрај. Туранга Лила, Бендер и бродот на Планет Експрес. Во крајот на 2006, Rocket USA издаде ограничено издание “супер” Bender. Друго специјално издание на играчката БЕндер била издадена од San Diego Comic Con (SDCC) во 2006, назначена како “Славниот златен Бендер”.

Новите Футурама играчки се произведуваат во Toynami.^[65]Првите серии од играчките на Toynami биле поделени на 3 дела. Првиот дел издаден во септември 2007, со Фрај и Зоидберг, вториот дел кој бил издаден во јануари 2008 содржел играчки од Лила и Зап (заедно со главата во тегла на Ричард Никсон). Третиот дел бил издаден во јуни 2008 со Бендер и Киф. Во секоја играчка има парчиња за составување на робот Девил. Во втората серија на играчките од Toynami ќе бидат вклучени Капетан Вчера (варијантата на Фрај од "Less Than Hero" ) и Нудар во првиот дел. Во вториот дел ќе биде вклучен Супер-Кинг (Бендер од "Less Than Hero") и ејми Вонг. Во секоја играчка од втората серија вклучува парчиња за составување на Робот Санта.

Видеоигри |

На 10 септември 2000, Unique Development Studios побара лиценца за да направи видеоогра Футурама. Fox склучи договор за издавање на видеоигра.^[66] Подоцна Sierra Entertainment стана издавач на видеоиграта и била издадена на 14 август 2003. Достапни се верзии за PlayStation 2 и Xbox, кои користат cel-shading технологија, меѓутоа играта подоцна била откажана за Nintendo GameCube и Game Boy Advance во Северна Америка и Европа.^[67]

Поврзано |

• The Simpsons


• Life in Hell


• Tripping the Rift

Наводи |